Nagpanawagan si United States, Vice President Kamala Harris nga padasigon na ang pagpakighinala para sa hostage deal kag ceasefire, kadungan sang ginpatigayon nga strike sang Israel nga ginkamatay sang 70 nga mga indibidwal sa Gaza sang damlag lang.
Mahibaluan nga ginkondena ni Harris ang nasambit nga pag-atake nga nagresulta sa pagkamatay sang mga sibilyan sa isa ka buluthuan sa Gaza nga ginapahayag ‘far too many.’
Dugang pa sini nga sa iya ginpatigayon nga rally sa Phoenix, Arizona ginsiling sini nga apisar may kinamatarong ang Israel nga ipakigbato ang ila teritoryo kinahanglan suno diri nga nahibaluan sang Israel ang imporatansya kag responsibilidad sini nga likawan nga maulamid ang mga sibilyan.
Sa pahayag sang tagpamaba sang Israeli military, ang al-Taba’een school nga ila ginbomba ang pugad suno diri sang Hamas kag Islamic Jihad military, nga hugot naman ginpanginwala sang Hamas.
Bangud sini, ginpasibangdan naman sang Israel Defense Forces (IDF) spokesperson Rear Adm Daniel Hagari ang Hamas nga ang mga numero sang mga napatay sini wala naga-instakto sa impormasyon nga hawid sang IDF subong man sa impormasyon may kaangtanan sa pagpalupok nga gingamit sa pagsalakay sang Israel.
Indi man suno diri magnubo sa 19 nga terorista nagikan sa Hamas kag Islamic Jihad ang napatay bangud sa nasambit nga pag-atake.
Dugang pa sang Israel nga ginagamit lamang sang Hamas ang civilian infrastructure agud magplano kag magpatigayon sang mga pag-atake, rason nga ginatarget nila ang mga ospital, eskwelahan kag iban pa nga mga lugar nga protektado sa idalum sang ilalim international law, butang nga ginpanginwala naman sang Hamas.
