Padayon nga naganubo ang wala pa mabayaran nga utang sang gobyerno sang Pilipinas.
Suno sa Bureau of Treasury (BTr), ang utang sang gobyerno nagnubo sa P17.46 trilyon sa katapusan sang Setyembre sini nga tuig gikan sa P17.47 trilyon nga kabug-usan nga utang sa katapusan sang Agosto 2025.
Dugang pa sang natungdan, ang domestic debt ukon internal debt ang nagnubo sang 0.9% ukon sa P11.97 trilyon kadungan sang mas madamo nga utang ang ginbayad sang gobyerno sang sa bag-o nga mga isyu.
Ang external debt nagtaas sa 1.9% ukon P5.48 trillion sa katapusan sang Setyembre, nga mayormente bangud sa kahuyang sang piso.
Sa kabug-usan, ang datos sang Septyembre nagapamatuod sang mabaskog nga disiplina pinansyal sang administrasyon ni Marcos Jr. subong man ang proaktibo nga pagdumala sang utang, nga nagapat-od nga ang pinansyal sang gobyerno nagapabilin nga sustainable, strategic kag nagasuporta sa mga prayoridad sa pag-uswag sang pungsod.
