Nag-shine Ang “Valencia sisters”nga sanday Tarah Valencia gikan sa Pilipinas kag Anna Valencia Lakrini gikan sa Germany samtang sila nga duha naghimo sang ila marka sa Miss Supranational 2025, nga nagdaug sang mga podium spots sa bag-o lang natapos nga gab-i sang koronasyon sang Hunyo 27.
Si Lakrini, isa ka anay Binibining Pilipinas titleholder ang nakakha sang titulo nga 1st runner-up, ang pinakamataas nga posisyon nga nalab-ot sang Germany sa nasambit nga kompetisyon.
Nakuha niya ang atensyon sang mga hurado sa SupraModel of the Year nga kompetisyon, sa diin nagpanguna sia sa grupo sang Europa. Ginpakigbahin man ni Lakrini ang iya humanitarian work sa Caritas Philippines sa iya Q&A.
Samtang si Tarah nga nagarepresentar sa Pilipinas ang nagtapos bilang 3rd runner-up. Kilala sa iya makahalawathawat nga mga pasundayag antes sang paindis-indis, nakalab-ot sia sa Top 2 sang Asia & Oceania group sa SupraModel of the Year challenge kag sa Top 20 sa Supra Influencer nga competition. Sa iya Q&A, ginpaambit ni Valencia ang importansya sang pagtamod sa kaugalingon.
