Hugot nga ginsiling sang Malacañang nga isa ka “very small group” lang ang luyag nga papanaugon si President Ferdinand “Bongbong” Marcos Jr. sa tunga sang lapnagon nga imbestigasyon sa ginapahayag korapsyon sa flood control projects.
Suno sa Presidential Communications Office acting secretary Dave Gomez, maathag nga ang nagapanawagan sang pagvuya sang Presidente amo ang ginpahayag nga maigo sang imbestigasyon.
Ginsiling ni Gomez nga gina-monitor sang gobyerno ang mga personalidad nga posible naga-plano nga i-destabilize ang administrasyon, kag ginakabig sini nga palataw-an ang mga pahayag ni anay Representative Zaldy Co nga ginaangot ang Presidente sa kontrobersiya. Ginhangkat pa niya si Co nga magbalik sa Pilipinas kag maghatag sang testimonya sa idalom sang pagsumpa.
Ginhatagan man pagtamod sang Palasyo nga mismo si Marcos ang una nga nagbuyagyag sang flood control mess sa iya nga SONA, kasunod ang pagpangalan sa 15 kontraktor nga nakakuha sang ginapahayag P100 billion nga kontrata.
Ginsigurado ni Gomez nga tumanon sang Presidente ang promise nga mapapreso ang mga naulamid kag mabawi ang pondo antes mag-Paskwa.
