Ginbuy-an na sang Phoenix Suns ang beterano nga forward nga si Nassir Little kag sophomore guard nga si EJ Liddell, para mag-angkon sang bakante ukon open spot para sa 2024 – 2025 season.
Si Little ang anay first-round pick sang Portland Trail Blazers sadtong 2019 kag na-trade sa Suns sining nakaligad nga tuig bilang kabahin sang Damian Lillard-Jrue Holiday blockbuster trade sa tunga sang tatlo ka NBA team.
Sa sulod sang 45 games kag isa ka season nga paghampang niya sa Suns, nahimu niya nga magsulod sang 3.4 points per game kag 1.7 rebounds per game.
Si Lidell naman ang 2nd-round pick kag ginpili sang New Orleans Pelicans sadtong 2022.
Kasubong man, indi nangin madali ang iya nga paghampang matapos gilayon ma-injury samtang nagahampang sa Summer League sa tion kun san-o siya nga na-draft.
