Ginpakigbahin sang comedian-host kag actor nga si Vice Ganda ang iya nga sekreto natuhoy sa iya madugay na nga relasyon kay Ion Perez.
Suno kay Vice, ang pagpalangga ang yabe agud mapabilin ang ila nga pag-updanay, nga nag-umpisa sa isa ka pribado nga commitment ceremony sa Las Vegas sang Oktubre 19, 2021.
Ginpahayag sini nga ang pagpalangga isa ka balatyagon nga pagpili agud maghangpanay, magkompromiso, kag mangin mapinasensyahon. Apisar may mga pagbag-o sa panan-awan sang pila ka mga indibidwal sa relasyon sang mga bakla kag straight, nagapabilin pa sa gihapon ang mga tawo nga wala pa nakapang-intindi.
Bilang isa ka kilala nga personalidad nga nagahatag tingog sa LGBTQIA+ community, ginhatagan pagtamod ni Vice na importante ang ginpahimo sang komunidad para sa masunod nga henerasyon, apisar indi nila malab-ot ang tagsa nila ka mga handom sa kabuhi.
Nagpalab-ot man siya sang suporta bilang kaalyado sang mga nagakinahanglan, mga nagahandom, kag sang bilog nga LGBTQIA+ community.
Sa pihak sang mga kadalag-an, nagapabilin nga simple si Vice, nga naga-gamit sang talento sa pagpasadya.
