Capiz – Ginpangunahan ni Vice Governor James Magbanua ang session sa pagdeklarar sa probinsya sang Capiz sa state of Calamity.
Sa interview sang Bombo Radyo kay Vice Governor Magbanua, iya ginpahayag nga ginsiguro nga nakasunod sa mga guidelines kag requirements nga kinahanglanon
bag-o ipaidalum ang probinsya sa state of calamity.
Suno pa kay Magbanua, bangud sa state of calamity, ang price ceiling kag commodity price sang mga balaklon sa probinsya ang makontrol na sang talatapan sang gobyerno agud malikawan ang pag-abuso.
Pahayag pa niya, mahimo na magamit ang quick response fund kag makapangayo sang bulig pinansyal sa national government nga igahatag sa mga apektado sang baha.
Nahibaluan nga una na nga nag-request si Governor Fredenil Castro sang dugang nga foodpacks kay Department of Social Welfare and Development
(DSWD) Secretary Rex Gatchalian kag hglayon man sini nga gin-aprubahan.
Dugang pa sang natungdan, nagahingyu ini sang gamay nga pag-intindi kag lauman nga magabaton ang tanan nga apektado sang nagakaigo nga bulig.
Interviewed by: Bombo Francis Biñas via Zona Libre
