Nagsulod sa definitive agreements ang Villar Group kaupod ang Lucio Co Group’s Crystal Bridges Holding Corp. para sa acquisition sang 100% sang PrimeWater Infrastructure Corp.
Sa statement, ginpahayag sang Villar Group nga ang Crystal Bridges ang mabakal sang “entire portfolio of operations” sang PrimeWater sa bilog ng Pilipinas.
Si Co ang isa ka business tycoon, nagapanag-iya sang Puregold Price Club Inc. kag sang membership shopping chain nga S&R.
Ang PrimeWater naman ang naga-operate sang tubig kag wastewater infrastructure projects sa bilog nga pungsod, lakip na ang water district joint ventures, bulk water supply, kag septage and wastewater management services.
Ang pag-anunsyo ang kasunod sang mga ginaalegar palpak nga serbisyo sang Villar-led water service provider.
Nahibaluan nga sang Mayo, ginmandu ni President Ferdinand Marcos Jr. ang pag-imbestigar sa operasyon sang PrimeWater bangud sa mga ginaalegar service-related complaints.
