Mahimo nga makasulod ang mga turista nga taga-Taiwan sa Pilipinas nga wala sang visa sa sulod sang 14 ka adlaw umpisa Hulyo 1 suno sa Manila Economic and Cultural Office (MECO).
Sa isa ka advisory nga napetsahan Hunyo 19, ang MECO nagsiling nga ang mga pagsulundan para sa mga nagahupot sang pasaporte sa Taiwan ginbag-o suno sa nagapadayon nga pagrepaso sang mga kinahanglanon sa pagpatigayon sang pagsulod.
Ang reciprocation kasunod sang pag-anunsyo sang Taiwan sang one-year-extension sang ila visa-free entry scheme para sa mga turista nga Pilipino.
Ang mga turista nga Taiwanese kinahanglan lamang magpresentar sang ila pasaporte nga balido sa indi magkubos sa anom ka bulan halin sa ginplano nga panahon sang pagtener, kumpirmado nga akomodasyon/pag-book sa hotel, pamatuod sang pinansyal nga kapasidad, kag isa ka tiket pabalik ukon onward pakadto sa masunod nga pungsod nga kaladtuan.
Para sa mga Taiwan passport holders nga luyag magbisita sa Pilipinas sa sulod sang kapin sa 14 ka adlaw ukon para sa mga katuyuan magluwas sa turismo, kinahanglan gihapon ang visa, nga may masunod nga mga panguna nga kinahanglanon:
– Natuman kag napirmahan nga pormas sang aplikasyon para sa visa; – Passport nga balido sa indi magnubo sa anum ka bulan halin sa ginplano nga panahon sang pagtinir sa Pilipinas (orihinal kag photocopy sang bio-data page);
– Taiwan ID (photocopy sa atubang kag likod); – Pamatuod sang round-trip ticket reservation; kag- Visa application fee
Naghingyo sang reciprocity ang Taiwan matapos ginlakip sini ang mga Philippine passport holders sa ila visa-free program sa sulod sang masobra lima ka tuig.
Sang 2018, ang Taipei Economic and Cultural Office nagsiling nga ang pagpakilala sang kaanggid nga iskema sa Taiwan indi lamang makapauswag sang turismo kundi pati man sang mga pamuhunan sa sulod.
Base sa datos gikan sa Department of Tourism, ang Taiwan amo ang seventh top source market sang Pilipinas para sa pag-abot sang mga bisita, nga may 213,833 ka mga turista nga taga-Taiwan nga narekord sang 2024.
