Plano sa karon ni Vice President Sara Duterte nga buweltahan ang Philippine National Police (PNP) nga kasohan.
Ginpahayag sini nga ginakonsiderar nila nga mag-file sang mga kaso kasubong sang disbodience, kidnapping kag robbery.
Ang nasambit nga kaso ang bangud sa insidente sang ginabalhin si Office of the Vice President (OVP) chief of staff Zuleika Lopez gikan sa Veterans Memorial Medical Center (VMMC) padulong sa St. Luke’s Medical Center sa Quezon City sang tinalikdan nga Nobyembre 23.
May nagluntad nga matindi nga tensiyon sang magpaguwa sang mandu ang House of Representative nga ibalhin sa Correctional Institution for Women sa Mandaluyong si Lopez.
Bangud diri, nakabatyag sang indi maayo sa kalawasan si Lopez rason nga ginpadangat ini sa VMMC apang luyag sang kampo sini nga ibalhin na lamang ini sa St. Lukes.
