Nakuha na ni US Vice President Kamala Harris ang presidential nomination sang Democratic Party.
Ini lamang ang naga-isahanon nga kandidata sa balota sa ginhiwat nga lima nga adlaw nga electronic vote sang yara sa 4,000 party convention delegates.
Bangud diri, sigurado na ang iya pagsabak sa election batuk kay anay US President Donald Trump.
Opisyal na ini nga tawgon nga presidential nominee sang partido sa pagahiwaton nga Democratic convention sa Chicago sa mga masunod nga binulan.
Pahayag sang 59-anyos nga si Harris, sobra nga kasadya ang nabatayagan sini matapos nga mapili bilang presumptive Democratic nominee for President of the United States.
Matandaan nga siya ang ginpili ni US President Joe Biden nga magbulos sa iya sa pagka-presidente sang US matapos nga padayon ini nga nag-withdraw bangud sa panawagan sang kadam-an sa partido sini.
