Tuman ang pagpasalamat ni Vice President Sara Duterte sa Father’s Day subong nga adlaw sa iya amay nga si anay Presidente Rodrigo Duterte sa diin luyag sini nga mabatyagan sang iya amay ang kalipay kag bugal sang iya mga kabataan.
Ginhimo ni VP Sara ang mensahe sa The Hague, Netherlands, sa diin gin-interbyu siya didto kag suno sa iya, nagapasalamat siya sa mga sakripisyo sang iya amay, ilabi na sa pagsuporta sa iya pagtuon.
‘Daku ang iya ginpuhunan sa akon edukasyon kag tungod sini ginabalik ko man ang akon daku nga pagpasalamat,’ siling niya.
Sa separado nga Father’s Day message nga ginpagwa sang Office of the Vice President (OVP), ginpasalamatan man ni Bise Presidente Duterte ang tanan nga mga amay kag father-figures sa ila resiliency kag pagpalangga sa pamilya.
Ginsambit niya ang importansya sang ila sakripisyo sa pagporma sang mga responsable nga kabataan kag paghatag inspirasyon sa mga pamatan-on.
‘Ang imo mga panikasog nagapahanumdom sa amon sang imo kasubo kag gugma sa pamilya. Kag ini man nangin isa ka maayo nga halimbawa nga nagahatag inspirasyon sa mga pamatan-on,’ dugang pa ni VP Duterte.
