Ginsiling ni Vice President Sara Duterte nga indi niya pagpabay-an nga maapektuhan ang iya kaugalingon sa ginapangatubang nga impeachment complaint, bangud ang importante suno diri ang pagsalig sa kamatuuran.
Matandaan nga sadtong Disyembre 2024, apat nga impeachment complaints ang ginfile batuk kay Duterte kung sa diin kaupod sa mga ground nga ginsambit ang “culpable violation of the Constitution, graft and corruption, bribery, betrayal of public trust, and other high crimes.”
Sadto lamang Pebrero 5, 2025 sang ma-impeach sang House of Representatives ang bise presidente matapos nagpirma sa ikaapat nga reklamo ang 215 mga kongresista.
Kaangut sini, nagpaguha sang proposed calendar si Senate President Chiz Escudero may kaangtanan sa impeachment trial sang Senado kay Duterte.
