Liwat nga ginpakamalaot ni Vice President Sara Duterte ang Marcos Administration bangud sa political attacks sa diin ginsiling sini nga indi siya kag ang iya pamilya ang problema sang Pilipinas.
Suno kay Vice President Sara, systematic demolition job ang nasaksihan sang publiko batuk sa mga kasumpong sa politika sang administrasyon.
“In the past months, my name and my family’s name have been dragged through the mud. I have repeatedly said this before, and I will say it again now—I am not the problem of this country. Hindi ako ang problema ng Pilipinas. Hindi Duterte ang problema ng Pilipinas,” pahayag sang natungdan.
Ginkwestyon man sang bise presidente kun sin-o ang manginpulos kun sa tion nga wala na ang pamilya Duterte bangud sa pagkamatuod suno sa iya, indi man ang mga Filipino.
Dugang pa niya, nag-eleher ang Filipinos sang lider nga wala sang abilidad nga mahangpan ang gusto sang tawo kag wala man sang ikasarang nga makahimo sang desisyon para sa kaayuhan sang publiko.
Sa subong pahayag sang natungdan, gina-manage sang isa ka lider ang pungsod nga nagapamalibad nga magpaidalom sa public hair follicle drug test kag nagbinutig sa posible nga paghimo sang P20/kilo nga bugas.
Nagapati si Vice President Sara nga deserve sang Filipinos ang mas maayo nga lider para sa pungsod.
