Suno kay Speaker Ferdinand Martin Romualdez, kinamatarong ni Vice President Sara Duterte nga magdesisyon kun magatambong ini ukon indi sa ikatatlo nga State of the Nation Address (SONA) ni Presidente Ferdinand Bongbong Marcos Jr., sa July 22.
Dugang pa ni Romualdez, indi man obligado ukon pinilitay ang pagtambong sa amo nga Sona sang Presidente.
Reaksyon ini ni Romualdez makaligad nga nagpahayag ang Bise-Presidente Sara nga indi magtambong sa nagahilapit nga SONA ni PBBM.
Kasubong man,ginpahanumdom naman ni Romualdez nga ang SONA ang indi isa ka simple nga event kundi isa ka importante nga kahigayunan agud makig-isa kag magbuliganay ang mga lider sang pungsod.
Ginsiguro naman ni Speaker Romualdez nga sa pihak sang indi pagtambong sang Bise-Presidente sa SONA ang padayon sa gihapon nga makigbuligay ang kamara sa nagkalain-lain nga ahensya sang gobyerno agud mapanami ang kabuhi sang mga Pilipino.
Pahayag pa ni Romualdez, ang pagkig-isa kag pagbuliganay ang padayon nga mangin giya sang Kamara.
