Tuman nga nagapahanumdom ang Department of Trade and Industry (DTI) nga magapabilin kag indi pagpataasan ang Suggested Retail Price (SRP) sang mga basic commodities sa tion sang kalamidad.
Sandig sa nangin pahayag ni Ms. Merian Asas, resource speaker sang DTI sa ginpatigayon nga press conference sang Philippine Information Agency (PIA) subong nga adlaw, Oktubre 22.
Pila sa mga ginapahayag nga basic commodities nga gina-monitor sa tion sang kalamidad amo ang bugas, noodles, de lata, kape, toiletries, bottled water kag iban pa.
Mahibaluan nga yara sa gihapon sa price freeze ang probinsya sang Capiz matapos nga gin-anunsyo ni Governor Fredenil H. Castro nga ipaidalom ang probinsya sa state of calamity bangud sa dengue outbreak.
Samtang, wala pa sang ginapaguwa nga latest price guide ang DTI Capiz para sa palaabuton nga holiday seasons, apang nagpasalig naman ang mga ini nga magapatigayon ini sang weekly monitoring sat ion nga magpaguwa na sang panibag-o nga mga presyohanay.
