Ginbuyagyag sang Bureau of Customs (BOC) nga walo sa 12 ka luxury cars sang billionaire contractor couple nga sanday Sarah kag Pacifico Discaya ang wala sang entry records sa pungsod.
Ginhatagan man sang Bureau of Customs ang mag-asawa sang 10 ka adlaw agud ipakita ang pamatuod nga ginbayaran sang insakto ang mga luxury cars.
Suno kay Customs Commissioner Ariel Nepomuceno, luyag nila nga masiguro nga makatindog sa korte ang ila inisyal nga imbestigasyon.
Nagaplano naman ang Bureau of Customs sa pagguwa sang search warrant para sa iban pa nga mga luxury car sang Discaya, nga suno kay Sarah , 28 ini tanan.
Apang ginbuyagyag ni Senate Pro Tempore Jinggoy Estrada nga base sa record sang Land Transportation Office, may 40 ka mga high-end nga salakyan ang mga Discaya.
