ROXAS CITY-Arestado ang isa ka wanted nga persona matapos nga ginserbehan sang warrant of arrest sang President Roxas Municipal Police Station sa Barangay Cabugcabug, President Roxas, Capiz.
Ginkilala ang akusado nga si Jason Iglesias, 20-anyos kag residente sang Barangay Manoling sang nasambit nga banwa.
Kaso nga Statutory Rape ang ginapangatubang sang nasambit nga akusado kun sa diin ang warrant of arrest sini ang gin-issue kag ginpirmahan ni Hon. Presiding Judge Faustino V. Roxas sang 6th Judicial Region, Regional Trial Court Branch 14 nga napetsahan Hulyo 24, 2020.
P120,000 ang ginrekomendar sang korte sa temporaryo nga kahilwayan ni Iglesias.
Sa karon nakahunong na sa karsel sang President Roxas Municipal Police Station ang nasambit nga akusado.
