ROXAS CITY-Dakup ang isa ka 24 anyos nga lalaki matapos ginserbihan sang warrant of arrest sang gintingub nga puwersa sang Roxas City Police Station, Criminal Investigation and Detection Group kag 602ND Maritime Police Station sa Barangay Bolo, Roxas City.
Ginkilala ang akusado nga si Johnny Boy Pacsoderon sang Barabgay Concencia, Panitan, Capiz.
Ang nasambit nga akusado ang nagapangatubang sa kaso nga Theft ukon pagpangawat kun sa diin ang warrant of arrest sini ang gin-issue kag ginpirmahan ni Hon. Lennie Ann Logronio, Presiding Judge sang MTCCM 6th Judicial Region Branch 1, Roxas City nga napetsahan Setyembre 1, 2020.
P6,000 pesos ang ginrekomendar nga piyansa sang korte para sa temporaryo nga kahilwayan sang Pacsoderon.
Sa karon nagapabilin ini sa karsel sang Roxas City Police Station ang akusado.
