ROXAS CITY-Arestado ang 37-anyos nga seafarer matapos ginserbihan sang warrant of arrest sang gintingub nga puwersa sang Panitan Municipal Police Station kag Criminal Investigation and Detection Group sa Barangay Bahit, Panitan Capiz.
Ginkilala ang akusado nga si Al Patrick Bismanos residente sang nasambit nga lugar.
Ang nasambit nga akusado nagapangatubang sang kaso nga paglapas sa Section 5 sang R.A. no. 9262 ukon Anti-Violence Against Women and their Children Act of 2004.
Ang warrant of arrest gin-issue kag ginpirmahan ni Hon. Judge Domingo L. Casiple, Presiding Judge RTC Branch 68, Dumangas Iloilo nga napetsahan Mayo 2, 2018.
P34,000 pesos ang ginekomendar nga piyansa sang korte para sa temporaryo nga kahilwayan ni Bismanos.
Sa karon nakahunong sa karsel sang Panitan Municipal Police Station ang nasambit nga akusado.
