Nabalik na ang sports nga weightlifting sa Palarong Pambansa.
Suno kay Samahang Weightlifting sang Pilipinas President Monico Puentevella, nga nangin maayo ang resulta sang ila nga paghinun-anon sang masubra 15 ka tuig agud malakip ang sports sa Palarong Pambansa nga pagahiwaton sa Mayo 24 tubtob Hunyo 2 sa Laoag, Ilocos Norte.
Dugang pa sini nga nagabulig man si Olympic gold medalist Hidilyn Diaz Naranjo agud mabalik ang nasambit nga sport.
Nagalaum man ito nga masunod man ang Commission on Higher Education para makapangita ang pungsod sang pambato sa mga international sporting events.
Ginpasalamatan ni Puentevilla si Department of Education Secretary Sonny Angara sa pagpasakop sini sa nasambit nga hampang.
Pananglitan makabulig ang mga Local Government Unit nga makabakal sang mga equipment ginasiguro niya nga madamu sang medalya nga mapauli ang Pilipinas sa Olympics.
