Gin-ako ni Justice Secretary Jesus Crispin Remulla nga ginpalapitan siya sang abogado sang isa sa top 15 contractors nga ginhatagan sang flood control projects sang gobyerno.
Ginsiling sini nga mahimo sia mangin isa ka whistleblower bangod ginbuyagyag niya ang impormasyon tuhoy sa P5-bilyon nga proyekto sa Central Luzon nga isa ka ‘Ghost Projects’.
Bilang mga whistleblower, mahimo nila ibuyagyag sa gobyerno ang modus operandi, iregularidad kag ang pagpanagtag sang kwarta.
Ginahulat niya ang abogado nga nagpalapit sa iya agud maghatag sang iban pa nga mga dokumento.
Kon interesado siya nga mangin isa ka whistleblower, kinahanglan lang niya nga magsulat sa gobyerno nga nagapahayag nga handa siya nga ibuyagyag ang mga anomalya nga iya nahibaluan.
Madumduman nga ginlunsar ni Presidente Ferdinand Marcos Jr ang imbestigasyon batok sa mga yara sa likod sang mga anomaliya nga flood control projects.
