WHO, nagakabalaka sa pagkaguba sang oil facilities sang Iran

Ginakabalak-an sang World Health Organization (WHO) ang ginhimo nga pag-atake sang Israel sa oil facilities sang Iran.

Suno kay WHO chief Tedros Adhanom Ghebreyesus, may yara ini sang negatibo nga epekto ikaayong-lawas ilabi na sa mga bata kag mga may edad na.

Isa sa mga ginhalimbawa sini amo ang may yara sang tion nga ma-contaminate ang ila nga pagkaon, tubig kag mangin ang hangin.

Madumduman nga ginkumpirma sang Iran nga gin-igo ang pila nila ka mga oil facilities sa Tehran kag kaiping nga probinsiya nga Alborz nga gintarget sang gintingub nga puwersa sang US kag Israel.

Apang, nagbalos naman ang Iran kun sa diin naglunsyar sila sang mga missiles kag drones kag gintarget ang pila ka mga energy infrastructures nga malapit sa Arab Gulf states.