ROXAS CITY – Nagapabilin karon sa ila accommodation sa Kuwait ang mga Pinoy matapos temporaryo nga ginsuspende ang trabaho bangud sa padayon nga pagtaas sang numero sang mga naapektuhan sang Coronavirus disease (COVID-19).
Ba-se sa report ni Bombo International Correspondent Boni Arcenas, supervisor sang Bio Clean Company sa Abu Halifa, Kuwait nga ginhimo ang work suspension nga ginsundan sang curfew para indi na maglapta ang nasambit nga sakit.
Suno kay Arcenas ang sin-o man nga maglapas sa curfew nga nagasugod alas 9 sang gab-i ang gilayon nga ipa-deport sa ila nga pungsod.
Gin-ako man ni Arcenas nga wala sila nagaguwa sa balay magluwas lamang kun mabakal sang pagkaon, para makalikaw sa kamot nga bakal sang Kuwaiti government.
Bangud sa sitwasyon karon sa Kuwait sa diin suspendido ang trabaho pila ka mga manggaranon nga mga lokal ang nagapanagtag sang goods bilang bulig sa mga nagakinahanglan.
