World Bank, ginpanubo ang growth forecast sang Pilipinas sa 3.7% sa 2026

Ginpanubo sang World Bank Group (WBG) ang growth forecast sang ekonomiya sang Pilipinas para sa 2026 sa 3.7%, bangud ang epekto sang inaway sa Middle East.

Suno sa report, mas manubo ini kon ipaanggid sa 4.4% nga pag-uswag nga ginabanta para sa 2025, apang ginalauman nga makabawi sa 5.6% sa 2027 kag 2028.

Ginhatagan punto sang World Bank Group nga ang epekto mabatyagan sa mga pungsod nga nagasalig sa imported oil kaangay sang Pilipinas, nga nagtuga sang pressure sa balor sang piso, gasto sa pagpangutang, kag kabug-usan nga performance sang ekonomiya.

Apisara sini, nagalaum sa gihapon ang World Bank Group nga ang ekonomiya amat-amat nga magabangon sa masunod nga mga tinuig.