Nagbubo ang pakig-unong sa pagtaliwan sang lider sang Simbahang Katolika nga si Pope Francis subong nga adlaw, Abril 21 sa edad nga 88-anyos.
Ini matapos kumpirmahon subong nga adlaw ni His Eminence Cardinal Kevin Farrell, Camerlengo of the Apostolic Chamber ang pagtaliwan sang Santo Papa sa iya nga residence sa Casa Santa Marta sa Vatican.
Kalakip sa mga naghatag sang tribute sa Santo Papa amo ang pila ka mga world leaders kaangay ni France President Emmanuel Macron, nga nagtawag sa Santo Papa bilang “man of humility” samtang ginlaragway naman ni Dutch Prime Minister Dick Schoof ang Santo Papa bilang modelo para sa mga Katoliko nga tumuluo kag indi Katoliko.
Ginlaragway ni European Parliament President Roberta Metsola si Pope Francis paagi sa iya makalalaton nga yuhum nga nag-capture sang minilyon nga tagipusuon sang mga tawo bug-os nga kalibutan.
Gindayaw naman ni Presidente Isaac Herzog sang Israel ang wala untat nga compassion sang Santo Papa.
Ginlaragway naman ni Swiss President Karin Keller-Sutter si Pope Francis bilang isa ka “great spiritual leader kag wala sang kakapoy nga nagapakigbato sang kalinong.
Ang pagtaliwan ni Pope Francis ang isa ka adlaw matapos magpakita ang iya nga public appearance sa St. Peter’s Swuare sining Easter Sunday.
Si Pope Francis ang pinakauna nga Santo Papa sa sulod sang masobra isa ka siglo nga igalubong sa guha sang Vatican.
Ang bangkay ni Pope Francis igalubong sa Basilica of St. Mary Major, isa sa apat ka mayor nga papal basilicas sa Roma.
