Ginhatagan importansya sang Provincial Health Office, ang pagselebrar World Mental Health Awareness subong nga bulan.
Sa interview sang Bombo Radyo kanday PIO Provincial Health Office Mr. Ayr Altavas kag mga Registered Nurse II nga sanday Mrs. Jasmine B. Rabe kag Mr. Jay B. Agarrado ginpahayag sang mga ini nga ini ang tuigan nga kampanya sang World Health Organization agud pataason ang ihibalo sa mga isyu pag-abot sa maayo nga paminsaron sa bilog nga kalibutan.
Mahibaluan nga base sa datos nga ginpaguha sang isa ka health insurance company ginapahayag nga 87% sang mga Pilipino ang nakaeksperyensya sang mental health issues nga may kaangtanan sa pagiging working professional.
Suno sa mga ini nga masami nga ginatunaan sang sakit sa paminsaraon ang mga naeksperyensyahan nga anxiety, depression kag stress.
Pila sa mga makabig nga rason sa pag-angkon sini nga sakit amu ang problema sa pamilya, trabaho, relasyon, pagpang-abuso kag madamo pa kung sa diin kung indi masarangan nga solbaron nga nagaresulta sa pag-utas sang kabuhi.
Panugyan sang mga ini agud malikawan ang kasubong nga ginabatyag nga indi magpangduha-duha nga magpangayo sang bulig sa abyan ukon pamilya ilabi na sa health agency sang gobyerno kag halungan ang kaugalingon pinaagi sa pag-ehersisyo kag pagkaon sang mga masustansya nga mga pagkaon.
