Ginpatalupangod ni world No. 3 pole vaulter EJ Obiena nga indi ini mag-endorso sang mga alcohol ukon gambling-related products.
Ini ang kasunod na man sang ginapahayag nga paggamit sang pila ka mga kompanya sa iya nga pangalan kag imahe para lang paguwaon nga gina-endorso sini ang ila nga mga produkto.
Ang nasambit nga modus ang ginahimo sang mga kumpanya nga wala sang permiso gikan kay Obiena.
Ginasiguro ni Obiena nga indi ini mag-endorso sang mga produkto nga magapanamad sa kinatawo kag sa malusog kag naga-uswag nga komunidad.
Dugang pa ni Obiena, sa pihak sang pagiging legal sang pila ka mga gambling sites kag pagbaligya sang mga produkto nga makahulubog, ginapili sini nga indi mag-endorse sang mga ini bangud sa bawal ini sa mga pamatan-on.
Bangud sa may yara ini nga plataporma nga posible nga maka-impluwensya sa mga pamatan-on, ginabaton man sini responsibilidad sang may dignidad kag pagkamapainubuson.
Pagsiguro ni Obiena, nagahimo na man ang iya nga mga abogado sang mga tikang batuk sa nasambit nga modus.
