ROXAS CITY – Hugot nga preparasyon ang ginahimo sang wrestling team sang Rehiyon Sais para sa Palarong Pambansa 2019 sa Davao City.
Ini ang ginpahayag ni Mr. Benjie Delos Reyes, ang trainer sang WVRAA-wresting team para sa amo nga hinampang sang mainterview sang Bombo Radyo.
Suno kay Delos Reyes nga iya ginatutukan ang pagdisiplina pag-abot sa training sang mga atleta kag mangin sa ila nga pagkaon.
Madamo man suno sa iya sila sang nangin adjustments bangud may mga ginbag-o sa technicalities sang wrestling sa amo nga sporting event.
Kalakip sa wrestling team sang Rehiyon 6 amo si Miko Adriyan Gonzales sa (54kg category) sang Poblacion, Makato, Aklan kag incoming Grade 9 sa Makato Integrated School.
Mahibaluan nga si Gonzales ang 2018 Palaro Bronze medalist naman kag nagaisahanon nga Palaro veteran nga ara subong sa wrestling team sang Western Visayas Regional Athletic Association (WVRAA).
Samtang, ginbisita naman ni 1996 Atlanta Olympics Boxing Silver Medallist Mansueto “Onyok” Velasco nga tumandok sang Negros Occidental ang delegasyon sang WVRAA sa Maa Central Elementary School, Davao City.
