Yulo, naghakot sang lima ka bulawan nga medalya sa Palaro

Nakakuha si Eliza Andriel ‘Iza’ Yulo sang tatlo pa nga gold medals para sa kabug-usan nga lima ka bulawan nga medalya sa 64th Palarong Pambansa secondary girls artistic gymnastics sa Cebu Institute of Technology – University (CIT-U).

Gindominar ni Yulo sang National Capital Region (NCR) ang uneven bars, balance beam, kag  floor exercise events samtang nagdaog man sang silver medal sa vault kun sa diin nakatipon ini sang 11.650 points.

Ang nasambit nga bataon nga utod ni world champion kag Olympian Carlos Yulo ang naka-iskor sang 9.850 points sa uneven bars, 12.050 sa balance beam, kag 10.900 sa floor exercise kun sa diin tie sila sang iya fellow NCR gymnast Cielo Esliza. ‌Sanday Yulo kag Esliza ang pareho nga nakakuha sang gold.