ROXAS CITY – Ilabi pa nga nagtaas ang numero sang mga kaso sang balatian nga dengue sa siyudad sang Roxas.
Ini ang base mismo sa datos sang Provincial Health Office (PHO).
Mahibaluan nga gikan sa bulan sang Enero tubtob subong nga bulan sang Mayo, naglab-ot na sa 192 ang mga kaso sang nasambit nga balatian nga mas mataas kun ikomparar sa kaso nga napagkit sa kapareho nga period sang nakaligad nga tuig.
May pinakamataas nga kaso sang nasambit nga balatian amo ang Barangay Mongpong nga may 22; Lawaan nga may 21; Bolo nga may 16; Banica nga may 11; Tanque nga may 13; Lanot nga may 7; samtang may tag-6 ka kaso naman ang Baybay kag Milibili.
Bangud diri, ilabi pa nga ginpasangkad sang ahensiya ang ila nga kampanya batuk sa nasambit nga balatian.
