ROXAS CITY – Patay ang 13-anyos, samtang pilason ang 2 ka mga sakay nga 14-anyos nga mga lalaki, matapos maaksidente sa ginasakyan nga motorsiklo sa Barangay Ilawod, Pontevedra, Capiz.
Ang wala na ginhingadlan nga mga menor de edad ang lunsay mga taga Barangay Tabuc, sa amu man nga banwa.
Sandig sa inisyal nga imbestigasyon sang mga katapo sang Pontevedra MPS, nagikan sa plaza ang mga solterito sakay sa Euro 150 nga motorsiklo nga ginamaneho sang biktima, kagab-i sang Domingo.
Ginpahayag nga nadulaan sang kontrol sa manubela ang amu nga driver, tubtob nga bumunggo ini sa steel pole sang isa ka money remittance center.
Nag-angkon sang kapilasan sa lawas ang tatlo ka mga sakay sang motorsiklo.
Ginpadangat ang mga ini sa Bailan District Hospital apang ginbawian sang kabuhi ang nasambit nga driver.
Ginaalegar nga bag-uhanon nga driver ang amu nga solterito.
