ROXAS CITY – Gin-aprubahan na nga makabalik sa operasyon ang 10 tanan ka mga quarry operators matapos nag-apply makakuha sang special permit gikan sa Capiz Provincial Environment and Natural Resources Office (CaPENRO).
Ini ang ginpahayag ni Board Member Jose Fulgencio “Pepe” Del Rosario, Chairman sang Committee on Environment and Natural Resources sang ma-interview sang Bombo Radyo.
Suno diri, ang mga aprubado nga operators nagikan sa nagkalain-lain nga banwa sang probinsya kalakip na ang syudad sang Roxas.
Gina-ekspektar niya nga magadamo pa ini bangud madamo pa sang nakapila nga applicaton.
Dugang pa ni Del Rosario nga 100% na nga makabalik sa operasyon ang mga aprubado apang mas plastado na subong ang ila mga rekisitos nga ginpacomply sang CaPENRO kapareho sang pagpananom sa area nga malapit sa ila gina-quarryhan, indi pareho sadto nga sa malayo kag iban nga lugar pa sila nagapananom.
Mensahe sini sa mga trabahante ilabi na sa quarry ops nga mag-apply na agud makakuha sang special permit to operate.
