Patay ang 11 tanan ka indibidwal samtang pilason naman ang 30 ka iban pa kalakip ang lima ka mga bata sa missile kag drone attacks sang Russia sa eastern city sang Dobropillia sa Donetsk region.
Suno sa Emergnecy services sang Ukraine, naguba man sang pagpang-atake ang 8 ka residential buildings, isa ka administrative building kag 30 nga salakyan.
Suno sa Ukraine Interior Ministry, gingamit sang Russian forces sa pagpang-atake ang 2 ka ballistic iskander missiles kag isa ka cruise missile, kabug-usan nga 145 drones kalakip ang dummy drones.
Ginpahayag naman sang Ukraine nga nabalabagan sang ila nga fighter jets kag mobile fire groups nga yara sa ground ang cruise missile kag 79 nga drones sang Russia.
Ginhimo sang Russia ang pagpasangkad pa sang ila nga aerial assault sa Ukraine kasunod sang pagpauntat sang Amerika sang intelligence sharing sini sa Kyiv.
