12 ka mga indibidwal, patay sa suicide bombing sa northwestern Pakistan

Patay ang 12 ka mga indibidwal samtang 30 ang pilason sa suicide bombing sa police checkpoint sa northwestern Pakistan.

Natabo ang insidente sa distrito sang Dera Ismail Khan sa probinsya sang Khyber Pakhtunkhwa.

Kasunod sang pagsigabong, nakabati ang mga otoridad sang sunod-sunod nga lupok.

Suno sa Police chief Safdar Baloch, kalabanan sa mga casualty amo ang mga security personnel kag mga nagalabay sa lugar.

Daku naman ang pagduda sang mga otoridad nga posible ang yara sa likod sang pag-atake amo ang Pakistani Taliban group nga kilala bilang TTP, nga naglunsyar sang mga pag-atake sa Pakistan sang nagligad.