Nagsaka na sa 13 ang na-report nga patay bangud sa paglaslas sang Bagyo Enteng.
Suno kay Office of Civil Defense (OCD) spokesperson Edgar Posadas, sa nasambit nga numero, walo ang patay sa Riza, tatlo sa Bicol kag duha sa Cebu province.
Gin-athag ni Posadas nga padayon pa nila nga gina-verify ang nasambit nga reports.
Samtang, 10 naman ang na-report nga pilason sa Cebu.
Sa kabug-usan, 24,043 ka mga indibidwal kag 6,052 ka pamilya ang apektado sang bagyo sa Bicol, Central kag Eastern Visayas regions.
Sa subong, anom ka mga lugar ang napaidalom sa Tropical Cyclone Wind Signal (TCWS) No. 2 samtang padayon nga nagahulag ang bagyo sa West Philippine Sea.
Ginalauman naman nga magwa ini sa Philippine area of responsibility sa Myerkules sang aga.
Nahibaluan nga binulan na nga ginatulod sang US kag mediators halin sa Egypt kag Qatar ang pagbayluhanay sang preso kag mga bihag sa Gaza amo man ang pagpatigayon sang ceasefire sa gyera.
Matandaan nga 251 ka mga bihag ang gindala sang militante sa Gaza matapos nag-atake sa southern Israel sang Oktubre 2023 apang 97 pa diri ang nagapabilin sa Gaza Strip kun sa diin 33 sa ila ang bangkay na suno sa Israeli military.
Sa pagtimalos sang Israel sa amo nga atake, masobra na sa 40,700 ang napatay sa Gaza Strip nga kadam-an mga sibilyan, kabataan, kag kababainhan suno sa UN human rights office.
