Indi magnubo sa 14 ka tawo ang napatay kasunod sang ginapatihan suicide bombing sa gwa sang police station sa northwestern Pakistan.
Ang paglupok natabo sa Kabal nga lugar sang distrito sang Swat sa probinsya sang Khyber Pakhtunkhwa.
Suno sa mga otoridad, ang mga napatay ang ginalakipan sang lima ka pulis, walo ka sibilyan, kag ang ginapatihan suicide bomber.
Ginabanta yara sa 18 ka mga tawo naman ang napilasan sa insidente.
Ginaalager nga kahimuan sang militante nga grupo nga Tehreek-e-Taliban Pakistan ang responsable sa pag-atake.
Ang Pakistani Prime Minister Muhammad Shehbaz Sharif nagpabutyag sang pagpakig-unong kag nagpakamalaut sa pag-atake.
Samtang padayon naman sang operasyon ang mga kapulisan agud makilala kag madakpan ang iban pa nga responsable sa pagpamomba.
