Hakot awards sa World Scholar’s Cup global round academic competition sa Bangkok, Thailand ang 15-anyos nga tumandok sang Capiz nga si Tristan Luis Raphael Salcedo.
Si Tristan ang anak nanday former Bombo Luis Salcedo sang Pontevedra, Capiz kag Rodelyn Camelon sang Balasan, Iloilo.
Nag-eskwela ini halin Grade 3 tubtob Grade 10 sa The Philippine Global School sa Abu Dhabi, United Arab Emirates kag pambato man ini sang nasambit nga buluthuan sa collaborative writing, debate, individual kag team quizzes sa WSC.
Suno sa amay ni Tristan nga si former Bombo Luis Salcedo, consistent honor student ang iya bata sa school kag nag-umpisa nga mag-join sa World Scholars Cup sang gin-engganyo ini sang iya English Teacher nga mag-intra sang ini 12-anyos pa lamang.
Dugang pa sini nga una nag-join si Tristan sa WSC regional rounds sa Dubai kag sa first time nga pag-intra nakakuha ini dayon sang 6 gold medals.
May tion nga nauntat ang competition bangud sa pandemic apang sang nag-resume ini sang nagligad nga tuig liwat naman ini nag-intra kag halin sa regional rounds liwat nkakuha si Tristan sang gold kag silver nga mga medalya.
Pahayag pa sang amay sini nagpasakop si Tristan sa global rounds sa Bangkok, Thailand kag didto nakahakot ini liwat sang gold and silver medals rason nga na-qualify ini kag iya nga team nga makadto sa Tournament of Champions ukon TOC sa Yale University sa Connecticutt USA.
Nakakuha ini sa TOC sang 8 gold medals kag 1 silver medal kag trophy bilang top 7 out of 300 juniors nga nag-compete sa seniors category
Ang Tournament Of Champions ang ginpasakupan sang masobra 6,000 scholars gikan sa nagkalain-lain nga nasyon.
