-- ADVERTISEMENT --
Patay ang 17-anyos nga nagabusong nga babaye matapos gin-alegar ginbuno sang iya 21-anyos nga bana sa Sultan Kudarat, Maguindanao del Norte.
Ginpahayag sang mga otoridad nga nadakpan nila ang suspek sa hot pursuit pila ka oras matapos natabo ang krimen sadtong Dominggo sa Barangay Pinaring.
Suno sa kapulisan, una sila nakabaton sang impormasyon nga may nagakatabo nga domestic violence sa lugar antes natabo ang pagpangbuno
Apang pag-abot sa lugar, duguon na ang biktima kag may mga igo sang pagkabuno.
Gilayon naman nga gindala sa ospital ang biktima apang wala na nakaluwas.
Padayon pa nga gina-imbestigaran ang insidente kag ginahibalo kun ngaa ginpatay sang lalaki ang biktima.
-- ADVERTISEMENT --
