MANILA, Philippines – Nadakpan sang kapulisan ang isa ka grupo nga naga-operate sang ilegal nga “e-sabong” sa isa ka coliseum sa Vitas, Tondo, nga nagaresulta sa pag-aresto sang 174 ka indibidwal, kadam-an mga bettors.
Suno kay John Guiagui sang Criminal Investigation and Detection Group (CIDG-NCR), ginpatigayon ang raid base sa impormasyon nga nabaton sang nagligad nga tuig, kag ginpatihan nga nagaabot sa 500 ka sabong kada adlaw ang ginabuhat kag ginapalantaw online.
Sa 174 ka nadakpan, 136 ang bettors nga ginpaluwas matapos maghatag sang ila personal nga impormasyon, samtang 28 ang gin-detain nga ginabug-usan sang mga opisyal, IT staff, camera operators kag referees.
Magaatubang sila sang kaso sa paglapas sang Presidential Decree No. 449 ukon Cockfighting Law, PD 1602 batok sa illegal gambling, kag Republic Act No. 10175.
Narekober man sang mga otoridad ang 48 ka computer sets, tatlo ka tripod cameras, 24 ka buhi nga manok, kag iban pa nga ebidensya, samtang padayon ang imbestigasyon kaupod ang Anti-Money Laundering Council agud matun-an ang bug-os nga operasyon kag iban pa nga posibleng may kaangtanan sini.
