Nadakpan ang isa ka 18-anyos nga lalaki sa ginpatigayun nga drug buy-bust operation sang kapulisan sa Brgy. Salocon, Panitan, Capiz, pasado alas-6:40 gab-i sang Nobyembre 12, 2025 .
Sa impormasyon nga nagikan sa Panitan Municipal Police Station, ginkilala ang nadakpan nga si alyas Ron, residente sang Poblacion Ilaya, Panitan, kag isa ka Street Level Individual.
Narekober sa iya ang anum (6) ka sachet sang ginapatihan shabu kag P500 nga ginamit bilang buy-bust money.
Dugang pa, una na nga na-involved si alyas Ron sa kapareho nga kaso sang tuig 2023 sang ini nagapang-edaron pa lamang sang 17-anyos.
Sa subong, yara na sa paghinakop sang Panitan Municipal Police Station ang suspek kag natalana nga pagasakaan sang kaso sa paglapas sa R.A. 9165 ukon Comprehensive Dangerous Drugs Act of 2002.
