ROXAS CITY – Ginreklamo sang 19-anyos nga babae ang paghimulos sa iya sang duha ka mga 2 lalaki sa sulod mismo sang ila nga hulot.
Sa interview sang Bombo Radyo Roxas kay Alyas Nene, ginpahayag sini nga nagatan-aw ini sang TV sa kuwarto sang hinali nga ginsulod sang duha ka lalaki sa diin ang isa ginkilala sini nga si Alfredo Delid Jr., alyas Buday kaupod ang isa ka lalaki nga kalbo.
Matapos gin-uyatan sang mga suspek sa duha ka kamot ang biktima ginbusalan pa ang bibig sini kag gintutukan sang kutsilyo agud indi makasinggit.
Suno sa biktima nga ginbulos bulusan siya nga ginhimuslan sang mga suspek kag wala ini makasingbgit bangud sa kutsilyo nga ginatutuk sa iya.
Aminado si Alyas Nene nga ginhulat sini ang live-in partner nga mag-abot gikan sa pagbiyahe sang tricycle kag ginsugid ang ginhimo nga paghimulos sa iya sang mga suspek.
Gilayon man nga nagpangayo sang bulig ang maglive in partner sa barangay officials kag positibo nga gintudlo sang biktima si Buday nga isa sa duha ka lalaki nga naghimulos sa iya.
