19 ka indibidwal nga biktima sang human trafficking, naluwas sang PCG

Naluwas ang 19 tanan ka mga indibidwal sang Philippine Coast Guard (PCG) sa Central Tawi-Tawi nga biktima sang human trafficking.

Suno sa PCG, naluwas ang mga biktima sang matumod ang ila ginahalinan sa port of Bongao, Tawi-Tawi.

Gin-alerto man sang PCG ang Maritime Police kag Maritime Inter-Agency Council Against Trafficking tuhoy sa pagluwas sa mga biktima halin sa barko nga MV Ever Queen of Asia, nga naka-angkla sa banwa sang Bongao.

Sandig sa inisyal nga imbestigasyon, na-recruit ang mga biktima sa Zamboanga Peninsula.

Sa karon, gin-turnover na sa Ministry of Social Service and Development sa Bongao ang mga biktima para sa psychological counseling kag assistance.

Ginasiguro naman sang ministry nga makapauli sa ila nga lugar ang mga biktima.