-- ADVERTISEMENT --
ROXAS CITY – Arestado ang duha ka mga babaye sa ginkasa nga drug buybust operation sa sulod sang lodging house sa Barangay 8, Roxas City.
Ginkilala ang mga suspek nga sanday Ananette Barredo, 33 anyos sang Barangay 9, Roxas City kag Rosalie Villa, 30 anyos sang Barangay San Esteban, Pilar, Capiz.
Narekober sa mga suspek ang 13 sachets sang ginapatihan shabu, P1, 000 nga marked money kag mga drug paraphernalia.
Ang nasambit nga operasyon ang ginkasa sang Philippine Drug Enforcement Unit kag Philippine Drug Enforcement Agency.
Magapangatubang ang mga suspek sa panumbungon nga paglapas sa Republic Act 9165 ukon Comprehensive Dangerous Drugs Act of 2002.
-- ADVERTISEMENT --
