ROXAS CITY – Ginabaha ang duha ka barangay sa banwa sang Sigma, sa probinsiya sang Capiz bangud sa padayun nga pag-ulan.
Sa interview sang Bombo Radyo Roxas kay Mr. Espiridion ” Speed” Pelaez, action officer sang Provincial Disaster Risk Reduction and Management Office, Aksyon Tabang, ginpahayag sini nga indi na maagyan sang anuman nga sahi sang salakyan ang Barangay Bangon-Bangon kag Cogon sa banwa sang Sigma.
Lubog man sa baha ang mga ulumhan sa Barangay Amaga, Pagbunitan, Dayhagon kag Acbo sa nasambit nga banwa.
Amat amat na nga nagataas ang water level sa mga suba sa pila ka mga kabanwahanan sa Capiz bangud sa padayun nga pag-ulan.
Samtang naka-alerto na ang Aksyon Tabang kag pila ka mga responding unit sa tion nga magpadayun ang pag-ulan sini nga gab-i.
