Preparado na ang Don Francisco Dinglasan Memorial School kag Rufina Andrada Santos Memorial School para sa nagahilapit nga 2025 National and Local Elections sa Mayo 12,2025.
Ini ang ginkumpirmar ni Mrs. Criselda Dianala, School Principal sang Rufina Andrada Santos Memorial School kag ni Mrs.Rowena Arostique , Principal naman sang Don Francisco Dinglasan Memorial School.
Suno diri, 2 ka kabaranggayan ang mga magaboto Rufina Andrada Santos Memorial School kun sa diin ginakalakipan ini sang Barangay 5 kag 7 samtang 1 naman ang sa isa pa ka buluthuan.
Dugang pa sang nasambit nga mga principal nga ginapasiguro man nila ang prioridad sang mga senior citizens, nagabusong kag PWDS sa pagboto.
Sa karon, wala man sang aberya ang amu nga ACMs, pagtesting kag sealing sang nakaligad nga adlaw.
