Handa na ang Dao Municipal Police Station para sa pag-obserbar sang Semana Santa.
Sa interview sang Bombo Radyo kay Police Captain Rey Contreras Dordas, Hepe sang Dao Municipal Police Station, iya ginpahayag nga 100% nga preparado na ang ila talatapan sa paghatag sang seguridad sa publiko.
Suno pa kay Dordas, maga-deploy sila sang bastante nga Kapulisan sa mga simbahan, terminal, kag main roads agud masiguro ang katawhay kag safety sang mga pumuluyo.
Pahayag pa niya, may yara man sang police visibility kag checkpoints bilang kabahin sang ila preparasyon batok sa anuman nga posible insidente sa semana santa.
Dugang pa niya, magalibot man ang ila patrol car sa mga matawo nga lugar agud masiguro ang siguridad sang publiko.
Gina-engganyo man sini ang publiko nga magkooperar sa mga otoridad kag gilayon nga i-report ang anuman nga makaduluda nga aktibidad agud mapabilin ang malinong kag luwas nga pag-obserbar sang Semana Santa.
