ROXAS CITY – Yara na sa kostodiya sang Women and Children’s Protection Desk ang duha ka mag-utod nga menor de edad nga ginmolestiya sang kaugalingon nga amay sa isa ka banwa sang probinsiya sang Capiz.
Nagdesisyon sanday Inday 14-anyos kag Nene 11-anyos nga magreklamo sa istasyon kag ibuyagyag ang kabastusan nga ginhimo sang ila amay nga isa construction worker sa kahadluk nga maglab-ot pa ini sa pagpanghimulos sa ila nga mag-utod.
Aminado si Inday nga indi sila makapamalibad nga mag-utod sa tagsa ka hurikapon sang amay ang pribado nga parte sang lawas sa kahadluk nga sakiton sila.
Apang sang ulihi nakasugtan sang duha nga isugid na ang ginapanghimo sang amay agud indi na sila pagbabuyon.
Nahibaluan nga nagbulagay na ang mga ginikanan sang duha ka mga biktima sa diin nabilin sila sa pag-atipan sang amay matapos nakaangkon na sang iban nga pamilya ang ila iloy.
