ROXAS CITY – Arestado ang duha ka persona matapos nga ginserbihan sang mandamiento de aresto sang gintingub nga pwersa sang Criminal Investigation and Detection Group (CIDG)-Capiz kag Aklan kag Sapian PNP sa separado nga lugar.
Ginkilala ang mga nadakpan nga sanday Jerry Bautista, 39-anyos kag Amor dela Cruz, 29-anyos lunsay residente sang Barangay Agsilab, Sapian, Capiz.
Natigayon nga madakpan si Bautista sa Brgy. Camansi, Batan, Aklan samtang sa Brgy. Ondoy Ivisan naman si dela Cruz.
Nagapangatubang sa kaso nga frustrated murder ang duha kun sa diin ang warrant of arrest ang ginpirmahan kag ginpapanaug ni Hon. Rommel Lacson Leonor, Presiding Judge, 6th Judicial Region, MTC, Mambusao, Capiz.
Ginrekomendar sang korte ang P120,000 nga piyansa sa kada isa para sa temporaryo nga kahilwayan.
Sa karon, yara na sa kustodiya sang CIDG-Capiz si dela Cruz samtang sa paghinakup sang CIDG-Aklan si Bautista kag natalana nga igaturn-over sa court of origin.
