ROXAS CITY – Pilason ang duha ka mga lalaki matapos naglab-anay bangud sa puno sang saging sa banwa sang Dumarao, sa Capiz.
Nag-angkon sang pilas sa ulo ang biktima nga si Jose Randy Ga matapos lab-on sang suspek nga si Alexis Pendon.
Sa interview sang Bombo Radyo Roxas kay PO2 Raffy Arcenas, imbestigador sang Dumarao PNP, ginpahayag sini nga nagapauli na ang biktima sang banggaan sang suspek kag ginkumpronta sa ginaalegar paglabo sini sa saging.
Nangin mainit ang diskusyon sang duha tobtob magpauli ang suspek kag sa pagbalik may bitbit na ini nga sanduko nga amo ang gingamit sa paglabo kay Ga.
Apang naagaw sang biktima ang sanduko kay Pendon rason nga ini naman ang ginlabo sa abaga.
Bangud sa hitabo, confine karon sa ospital ang duha kag lunsay ginadapatan sang pagbulong.
